Shillong: Ka Shillong Lajong ka la iakhaid bad ka Sawmer ha ka jingiakhun ha ka lympung Shillong Premiere League (SPL) kaba long myn hynnin ka sngi ha madan Polo.
Ia ka Lajong la thep da u Novin Gurung (14) bad u Parvaj Bhuiya (74) katba ia ka Sawmer la thep da u Gamelial Kharlyngdoh ha ka 67 bad 71 minit.
Ha ka jingiakhun ka 2nd Division, ka Lawsohtun ka la pylliem ia ka Lumshyiap da 4-0 kol bad ia kine ki kol la thep da u Riborlang Dkhar (9, 68), Fernando Nongkynrih (70) bad u Johny Manbha (89).
Ha ka 3rd Division, ka Mylliem ka la pylliem ia ka Mawtawar da 2-1. Ia ka Mylliem la thep da u D Nongsteng (23) bad u K Marbaniang (26) bad ia ka Mawtawar la thep da u Pynskemlang Jana (35+1).