Shillong: Ka Shillong Lajong ka la iakhaid 2-2 bad ka Nangkiew Irat ha ka jingiakhun ha ka lympung Shillong Premier League ka SSA kaba long ha madan JN Stadium ha kane ka sngi Nyngkong.
Ia ki kol ka Lajong la thep da u Phrangki ha ka 5 minit bad sa u Mahesh ha ka 66 minit. Hynrei ka Nangkiew ka la lah ban pyniakhaid da u Roikhihbha bad u Khangmiki ha ka 35 bad 43 minit.
Ka jingiakhaid ka mut ba kine baroh kin hap ban iasam mar shi point na kane ka jingialehkai kaba long mynta ka sngi.
Ka Shillong Lajong haduh mynta ka kamai 13 point na ki 7 sien ialehkai bad kan ialehkai sa pyrshah ia ka Malki ha ka 14 tarik.