|
Shillong: Ka Shillong Lajong bad ka Minerva Punjab ki la iakhaid khlem don ba lah ban thep kol ha ka jingiakhun kaba long mynta ka sngi jong ka lumpung Hero Elite League Final Round Group B (U-18 Youth League) 2018/19. Ka Lajong Junior ka la kham lah ban pynphai ia ka bol ha kane ka jingialehkai hynrei kam shym la lah ban pynkhih jar haduh ban wai syndon ka jingialehkai. Kane ka jingiakhaid ka la pynlong ia ki ban iasam mar shi point ha kane ka jingiakhun. Ka Lajong mynta kan pynkhreh ban iakhun ia ka Chennaiyin ha kane ka lumpung Hero Elite Final Round ha ka 30 tarik por 3 PM ha madan Nagoa ha Goa. |