Ïakhaid ka jingïalehkai hapdeng ka Shillong Lajong bad Neroca FC

Shillong:Ka jingïakhun ha pdeng ka Shillong Lajong pyrshah ïa ka Neroca FC, ka la kut ha ka jingïakhaid ba mar 1-1 kol, ha ka jing ïalehkai Home Game ba nyngkong eh jong ka Shillong Lajong ha ka janmiet sngi Palei.

Da ki hajar ngut ki riewieid phutbol ki la poi ban sakhi ïa kane ka jingïalehkai jong kane ka lympung ba hehduh hapoh ka Ri, kaba la wan biang sha Shillong hadien saw snem.
Ka Shillong La jong kala ïoh ban pynkhih nyngkong eh ïa ka jar ha ka minit kaba 33 lyngba u Captain uba dei na Brazil u Daniel Gonsalves, uba la ïoh thep ïa ka kol da ka khlieh hadien ka jing pynbuh bol u rang ïaleh kai ka Japan u Takuto.

Kane ka kol ka la pynshongshit bha ïa ki paidbah nongpeitkai kiba la wan ban ai jingkyrshan ïa la ka jong ka kynhun, kaba la ïoh ïakhun biang ha kane ka lympung.
Hynrei dei ha ka minit ba 79, u rangïalehkai ba shakhmat ka Neroca Fabrien ula ïoh ban pynphai ïa ka kol ban pynïa khaid. Ka jingïakhun ka la shongshit bad ïakhaid bha tad haduh da put pynwai.

Ka Shillong La jong kan ïalehkai biang ha la ïing ha ka 12 tarik u Naiwieng, ha kaba kan ïakhun pyrshah ïa ka Sreenidi Decan ha madan SSA First Ground, Polo, Shillong.