U Lionel Messi, uba dei uwei na ki nongialehkai ba satar jong ka Argentina, um shym la lah satia ban pynrung jar ha ka jingshut penalty hynnin ka sngi, ha ka jing ia khun pyrshah ia ka Iceland, ha ka jingialehkai ha Spartak Stadium ha Moscow bad kaba la pynlong ia ka jingialehkai ban ia khaid da 1-1.
U Sergio Ageuro, ula ioh ban thep ia ka kol kaba nyngkong na ka liang jong ka Argentina, ha ka minit kaba 19, hynrei la pynphai kylliang ia ka kol ban pyn ia khaid da U Alfred Finnbogason.
Ha kawei pat ka jing ialehkai ka Croatia, ka la pynliem ia ka Nigeria da 2-0 ha ka jingialehkai hynnin ka miet, ha kaba ia ka kol ba nyngkong la thep hi da U Oghenekaro Etebo bad sa kawei pat ka kol, la thep da U Luka Modric ha ka jingshut penalty ha ka jingialehkai ha ka Group D.
Ha kawei pat ka jingialehkai ka France ka la jop da 2-1 ia ka Australia, ha kaba U Antoine Griezmann, ula ioh shut penalty bad nangta sa kawei pat ka kol ba la ioh thep da U Paul Pogba, ha ka jingialehkai shwa ban wan kut sa tang shiphew minit ha ka Group C.