Iaid pyrshah ki MP ka seng Congress sha Parliament

Ki nongialam liang pyrshah ba kynthup ia ka Sonia Gandhi, kaba dei ka President jong ka seng Congress, ki la pynlong ia ka jing iaid pyrshah mynta ka step ha khmat jong ka dur mot U Gandhi ha Parliament ban pyrshah halor ka jing pyntrei kam ia ka ain CAA bad NRC.

Mynta ka sngi, ka dei ka sngi sdang jong ka Parliament bad ki dkhot jong ka seng Congress, ki deng da ki lama iong hapoh jong ka iing dorbar Parliament.

Ha kane ka sngi sdang U President ka Ri, U Ram Nath Govind, u la ai ia ka jingkren ha ka jing ia kynduh lang jong ki dkhot na baroh ar tylli ki iing ka Rajya Sabbha bad ka Lok Sabbha.