Iaid paidbah ka CoMSO, ban pyrshah ia U Lat ka Jylla

Shillong: Kum shi bynta na ki jingiakhih jong ki dkhot ka Confederation Of Meghalaya Social Organisation, mynta ka sngi ki la pynlong ia ka jingiaid paidbah, kaba la sdang naduh ka ophis jong ka BJP kaba don ha Bivar Road ban pynpaw ia ka jingpyrshah ia ka CAB bad ki la pynrem jur ruh ia u Lat ka jylla u Tagatha Roy, na mar ka jing pynslem jong u ban soi ia ka MRRSA Ordinance ban pynlong ain, khnang ban iada ia ki jaitbynriew u Hynniewtrep bad ban teh lakam ia ki jingwan tuid ki bar jylla.

Ha ka jingiaiaid paidbah, ki la pyrta ban pynrem ia u Lat ka jylla ia ka jingpynslem ban soi ia ka ordinance MRSSA bad kumjuh ki la pynrem ruh ia u Myntri badei peit ia ki kam pohing jong ka Sorkar Pdeng u Amit Shah ha ka ba u thmu ban wan rah ia ka ain CAB ha ingdorbar thawain.