Iaid lynti u Conrad na ka jaka sah u Syiem Jaintiapur

Shillong: U Myntri rangbah ka jylla Meghalaya u Conrad K Sangma myn hynnin ka sngi lem bad ka kynhun ki katto katne ki myntri sorkar bad ki ophisar nalor ka kynhun ki nongseng kam na ka jylla, u la leit jngoh ia ka ri Bangladesh da kaba iaid da ka surok na Dawki shaduh Dhaka bad leit mih biang sha Tura ha ka 10 tarik.

 Ha kane ka jingleit jngoh ia ka ri Bangladesh, u Conrad ba la synran lang u myntri sorka bah Lahkmen Rymbui, bah Sniawbhlang Dhar, u bah Banteidor Lyngdoh kila iaid lynti ruh ia ka jaka sah ne ka ing sem jong u syiem Jaintiapur shwa ba kin leit pat sha Sylhet.

Kane ka iing Syiem Jaintiapur barim bajah ka la sah mynta sa tang ki maw nongrim ha katei ka jaka.
Ia u myntri rangbah ka jylla Meghalaya bad ia ka kynhun la pdiang burom da ki pulit jong ka Bangladesh ha jan Tamabil ha ka jingiadon lang ki heh sorkar ka thie ka ri.
  Mynta ka miet na ka liang jong kane ka kynhun na Meghalaya kila ia kynduh ia ki nongkhaii na Bangladesh ha Sylhet.
 Kane ka jingleit jong u Myntri rangbah sha Bangladesh ka long ban wad ia ki lad ki lynti ban pynkhlain ia ka khaii pateng hapdeng ka jylla Meghalaya bad ka Bangladesh namar kumba ka long ka jylla Meghalaya ka dei ka jylla kaba ia jan tam eh bad ka thie ka Ri.