Iaid kjat pyrshah jingpang shini palat 3 spah ha ka nongbah

Shillong, 15 Naiwieng:
Ha kane ka 14 Tarik ‘Naiwieng ka dei ka Sngi Rakhe halor Ka Jingpang Shini (World Diabetes Day) la pynlong ia ka jingiaid paidbah da ka kjat ha kylleng ka nongbah Shillong.
Ia kane ka jingiaid paidbah la pynbeit da ka Bansara Eye Care Centre (BECC), Society for Promotion of Eye Care and Sight (SPECS), World Diabetes Foundation bad la wan ban ia shim bynta lem da kiwei Seng Treimon Sngewbha kum Ka Meghalaya Women alliance (MWA), Lion Club Shillong, Schools of Nursing bad Nurses jong Ka Dr. H. Gordon Robert Hospital, Nightingale School of Nursing, Seng Kynthei of Nongkseh, Jet Wings, Bharat Scouts and Guides, Therisa House Training, English Foreign Language University, Woodland Hospital, St. Anthony’s College, St. Anthony’s NSS Unit, St. Mary’s College.   Ka Jingiaid Paidbah ka la sdang naduh Nan Polok ter ter shaduh Anthony’s School Stadium Don Bosco, Laitumkhrah ha kaba baroh ki nongiashim bynta ki la ialumlang ban ia shondurlang bad ban noh synniang la ki jingsoi kyrteng kum shibynta ban thaw ki lad ban pyntip bad hikai lem kumno ban sumar bad ban lait na kane ka jingpang shini. Ka BECC bad kiwei ki Seng Treimon Sngewbha ki la pynlong kum kane Ka Global diabetes Walk mynta la ar sien ar wat kynthih hangne ha Sor Shillong bad ha kane ka sien kaba lai biang, Ka BECC ka la iasnoh kti lang bad 136 Ki Kynhun Partners jong Ka WDF kila ia treilang mon Sngewbha ha ki 58 ki Ri ha kylleng sawdong ka pyrthei. ha kane ka sngi.Ha kane ka sngi la don umba palat 300 tam kiba la wan ban iashim bynta ha kane ka jingiaid kjat.Ha shwa ia kane, la ioh ka jingkren lyngkot bad sam jingtip lem na ka Dr Jenny V Basaiawmoit, Director of Bansara Eye Care Centre halor ka jinglong kyrpang jong kane ka sngi ha shityllup ka pyrthei ban kynmaw, hikai bad pynlong ia kiwei ban tip ba kumno kane ka jingpang shini ka ktah ia kiba bun bad kumno ruh ban lait na kane ka jingpang. Hadien kata Ka Kongsan Kong Sara Tham President ba mynshwa Ka Meghalaya Women’s Association ki a kaweh ia ka lama ban sdang ka Walk bad I Kong Lily Kharbamon, President ba mynta I la pynlait ia shirynjup ki balloon hapdeng Ka Jingkieng Nan Polok. Namar ba ka jingiaid kai step, mareh bad ialehkai sport bad games ha kiba bun rukom ka iarap ban pynioh bad pynlong ia ki briew ban long kiba koit ba khiah bad khlain khiah krat, Ka BECC ka la pynbeit sa da ka jingialehkai Football Friendly Match hapdeng Ka St. Anthony’s College bad Shillong College.
U Kongsan Bah Vivek Syiem, SP Shillong City u la ban ba ka nongshun kaba khraw ia ki pyrton shipai bym lah ban treikam bha ha baroh ki liang ka long ka jingmih palat ka kpoh shabar bad kum kine ki jingpynmlien ban kilan met kan iarap ban long ki nongjop halor ki jingpang jingshitom baroh bad wat kum ka jingpang shini ka ban phet sha jngai.