Iaid kjat palat 2 spah ngut ki samla ha Shillong

Shillong, 7 Risaw:
Shi bynta jong ka prokram Meghalaya youth exchange programme kaba ar jong ka  Directorate  ka Sports and Youth Affairs, ki samla na kylleng ki district ka jylla kumba 275 ngut tam ki la pynlong ia ka jingiaid kjat na Mawlai Museum shaduh Laitumkhrah.
Kine ki samla ki dei kiba pule ha ki skul bad ki kolej ki la pynlong ia ka jingiaid kjat ban mad ia ka jingitynnad ka mariang ha ka nongbah bad ban lum jingtip ruh ia ki jaka jngohkai.
‘Ka jingiaid kjat ka sdang na  Mawlai Museum sha Golf link, Nan Polok bad la pynkut ha Catholic Cathedral Laitumkhrah,Shillong.
Ki khynnah samla kynthei bad shynrang na ki 11 tylli ki District  kiba wan kumba 25 ngut na kawei ka district ki la iashim bynta ha kane ka prokram.
Ka prokram kaba la sdang naduh ka 1 tarik kan kut lashai ka sngi ka 8 tarik Risaw ha Meghalaya Bharat Scouts and Guides Headquarter, Shillong.