Iaid beit ka leh niam behdeinkhlam ka SRT ha ryngkat ki lad iada covid19

Jowai: Ka lehniam Behdeinkhlam jong ka Sein Raij Tuber, ka la sdang naduh 21 tarik u ne u bnai bad kan kut ha ka 24 tarik. La pynlong ia ka jinglehniam ha ryngkat ki lad iada na u khniang jingpang Covid 19. Ka lehniam Behdeinkhlam ka Seinraij Tuber ka dei kawei na ki jinglehniam ba heh tam ha Jaintia Hills na pdeng ki 7tylli ki Seinraij.

Man la u snem ka jingpoi ki rot ym duna ia ka 75 ne 76 tylli hynrei mynta ka kynti ki rot kin poi tang 2 tylli, namar ka jing don ka khlam covid 19 ka ba la sar ia ka pyrthei baroh ka wei bad kum juh hka ba la ktah ia ka jylla Meghalaya ym shym la lah ban pynlong ia ka jinglehniam kumba ju long.

Kumta ban iada na ka jingpur u khniang jingpang Corona na ka liang ka Seinraij Tuber ka la rai ban pyndep ia ka lehniam ha la ki jong ki jong ki iing bad ia ki jinglehniam bapher bapher la pyndep tang da ki Rangbah niam kynthup ia u Lyngdoh, Sangot, Maji bad ki Wasan ha ryngkat u President ka SeinraiJ Tuber.