Iaid beit ka elekshon MDC ha Jaintia Hills, thut bun ki EVM

Jowai: Ka jingiathep vote MDC ha Jaintia Hills baroh kawei ka long ka ba iaid beit iaid ryntih khlem don kano kano ka jingjia ne jingpynthut.

Ka la don ka jingthut ki kor thep vote(EVM) ha Khaddum, Mutong, Rymbai synrang sakhain, Rymbai wah sarang, Byndihati bad dein shynrum. Ha kine ki shnong la hap ban sdang iaka jingiathep vote haduh uba shi kynta shiteng ka jingslem.
Ka election ha une u snem ha baroh ki jaka ka la long kaba jai jai bad kaba suki bha haduh katta katta bad haba khein lang, kiba wan thep vote baroh ki long 85.187percent ki shynrang bad 85.988percent ki kynthei bad haba khein lang baroh ki long 85.601 percent.
Kito ki shnong kiba don ki kyrtong kiba la pynieng da ka shnong (Dorbar Shnong) ka jingiathep vote ka la long kaba iaidbeit wat la ki don kiba thep tang da ki kato katne ngut da ka jingiasngewthuh jingmut bad ki nongpyniaid election kiba kynthup ia u Presiding officer.