Shillong: Ka Shillong Lajong ka la pynliem ia ka Laban SC da 2-1 ha ka jingiakhun ka Under 18 Shillong Premier League kaba long myn hynnin ka sngi ha madan Polo. Ia kine ki ar tylli ki kol ka Lajong, la thep da u Dajied Wanshnong ha ka 54 minit hynrei ka Laban ka la pynphai ha ka 84 da u Aplang Buam. Hynrei kawei pat ka kol ka Lajong la thep da u Abhay Gurung 86 minit.
Da kane ka jingjop, ka Lajong ka la kamai 31 point na ki 11 sien ialehkai ha kane ka lympung U-18 SPL 2019. Ka la jop 10 sien bad iakhaid shisien.
Ha kawei ka jingialehkai, ka Smith SC ka la iakhaid bad ka Lawsohtun 1- 1. Ia ka Smit la thep da u B.khriam 18’ katba ia ka Lawsohtun SC la thep da u F.Rani 40’.
Ha ka jingiakhun ka 3rd Division, ka Sanmer SC ka la shah pylliem ha ka Mawreng da 0-1 kol bad ia ka Mawreng SC la thep da u M. Sun 21’.
Ha kawei ka jingialehkai, ka Mawkriah West ka la shah pylliem ha ka Lawmali da 0-3 kol bad ia kine ki kol ka Lawmali SC la thep da u S. Pyngrope 38’, S.Warjom 54’ bad u D. Khongwang 66’.
Ka Nongmynsong SC ka la pylliem ia ka Gorkha da 2-1 kol. Ia ki ar kol ka Nongmensong la thep da u E. Thabah 17’ bad R.Ryntathiang 68’ bad ia ka Gorkha la thep da u Gorkha SC da u Marbaniang 37’.
Phi don ban ong eiei?