Iai bteng ka Shillong Lajong ban khur jingjop ha ka U-18 SPL

Shillong: Ka Shillong Lajng ka la bteng ia ka jingjop haduh mynta ha ka jingiakhun jong ka lympung U-18 SPL ka SSA. Ha ka jingiakhun kaba 7 sien mynta ka sngi, ka Lajong ka la pylliem ia ka Nongrim Hills SC da 1-0. Ia kane ka kol la thep da u Dajied Wanshnong 36 minit.
Da kane ka jingjop, ka Lajong ka la kamai bun eh ki point napdeng kiwei pat ki kyhun. Ka la kamai 22 point na ki 8 sien ialehkai. Kan iakhun biang ia ka Nongkrem ha ka 4 tarik Naitung.
Ha kawei ka jingialehkai, ka Rangdajied Utd ka la pylliem ia ka Marbisu da 4-0. Ia kine ki kol ka Rangdajied la thep da u O. Langshiang ha ka 20 bad 69 minit, u D Mawlong ha ka 39 bad 47 minit.
Ha ka jingiakhun ka 4th division, ka Nongrah ka la pylliem ia ka Umsohdun da 4-0 kol. Ia ki kol ka Nongrah la thep da u K Pyngrope 46, 61 minit bad u R Kharkongor ha ka 64 bad 70 minit.