Iai bteng ka jingkhriat ha ka nongbah Shillong

Shillong: Ka Shillong, ka iai bteng ban long kaba khriat jur mynta ka sngi ruh bad ka tnat peit mariang jong ka sorkar India, ka Meteorological Department, ka pyntip ba kaba shit eh mynta ka sngi ha Shillong, ka long 13.1 degree, kaba khriat eh, ka long 3.5 degree; kaba shit eh ha Sohra, ka long 16.1 degree bad kaba khriat eh, ka long 4.2 degree, ha Umiam kaba shit eh, ka long 20.0 degree bad kaba khriat eh, ka long 4.0 degree centigrade.

Mynhynnin bad mynta ka sngi, ym don slap satia ha kitei ki lai jaka. Ka tnat peit mariang, ka iathuh ba lashai ka sngi, kan don ka jinghap slap bad malu mala ha sawdong jong ka nongbah Shillong. Ym don jingmaham eiei, na bynta ka jylla hi baroh kawei.