Ia thoh U Vinod Kambli, ha ka jingpyniaid ka Balang Katholik

U Vinod Kambli ula pyndep ia ka jing ia thoh shong kurim jongu bad la ka jong ka kurim, ka An drea Hewitt ha ka jingpy niaid jong ka Balang Catholic ha St Peter’s Church ha Bandra ha ka Sngi Saitjain ba ladep. U Vinod bad ka Andrea, ki la pyndep ia ka jingiathoh shongkurim jongki ha kashari, ha ka taiew ba ladep, hynrei ha ka sngi saitjain ba ladep, ki la rai ban pyndep don burom ha ka jingpyniaid jong ka balang. Ha katei ka sngi, ki la pynbaptis ruh ia u khun jongki, U Jesus Christiano.
Katei ka jingiathoh, ka dei kaba kyrkieh bha, ha kaba ym shym la pynkhreh satia ia kiba shah khot sngewbha ruh bad kumta tang kito kiba iajan eh, kiba leit sha katei ka jingiathoh shongkurim. Kito kiba don ha katei ka jingiathoh ki long U Ashutosh Rana bad ka kurim jongu, ka Renuka Shahane, ki nongak phlim, ha kaba u Vinod, u ong “Ki long kum ki dkhot jong ka iing ka sem jongngi”.
Ka dei ka jingkhot jong u mynsiem U Blei, kaba la pynlong ia U Vinod, ba un ia poi kha ha ka jingpyniaid jong ka balang. Ha u naiwieng ba ladep, U Vinod, u ioh ia ka jingpang shadem, ha kaba ula shitom jur bad ba la kit ia u mar mar sha Hospital bad ha katei ka jingpang, ka la ktah ia ka jinglong mynsiem jongu, ha kaba ula rai ban ia poi kha noh, ha ka jingpyniaid jong ka niam Khristan.