Ia ther kuli ki pulit bad ka GNLA

Shillong, 20 Lber: Ha ka sngi sait jain jong ka taiew ki pulit ki la leit khynra ia ka ktem shipor jong ka GNLA kaba don hajan ka shnong Makriadap, Kharkutta Block jong ka North Garo Hills. Katkum ka khubor pulit la ong ba ka jingleit khynra ia katei ka ktem ka dei hadien ba la ioh jingtip kaba biang na ki nong syntiat ba ki don kumba 5 ne 6 ngut ki dkhot ka GNLA ha katei ka ktem.
Hynrei la ong ba tang mar ia poi ha katei ka jaka ki lehnoh kiba la iohi lypa ia ka jingwan ki pulit ki lather kuli bad hangtei ka la mih ka jingiather kuli kaba mar kylliang kaba la neh la katto katne minit. Hadien katei ki lehnoh ki la ioh lad ban phet krad noh ha ki khlaw kiba rben, kam shym la don kano kano ka jing iamynsaw ha katei ka jingjia,ki pulit kila ioh kurup ia ki tiar siat bad ki kuli na katei ka jaka.