Ia shoh ki khynnah buaid ha Payal

Shillong,9 Nailar:
6 ngut ki khynnah kiba dang don ha ka rta kaba 15-18 snem ki la ia shoh ia shat bad kiwei pat ki 6 ngut ki khynnah kiba la tip kyrteng kum u Mohsin Ansari (20 ), Shashi Ghosh (19 ), Basu Sewa (19 ), Asif Sheikh (20 ) bad ar ngut kiwei pat ki khynnah ba ha ka rta ka 17 snem. Kane ka jingiashoh ia dat ka la jia hynne ka sngi ha ka por kumba 4:45 eiei , kane ka jingjia ka la jia hajan Payal Cinema Hall, Thana Road, Shillong. Ha katei ka jingjia u Asif Sheikh u la mynsaw jur bad la pynkit ia u sha Civil hospital, ki pulit ki la kem ia ar ngut ki khynnah katba 4 ngut ki la phet krad bad ka jingtohkit ka dang iaid shakhmat.