Ïa nga ym pat don ba khot ban pynïasoh bad ka NPP, ong u bah PN Syiem

Shillong:Hadien ba bun na ki nongmihkhmat ki la leit ban pynïasoh ïalade sha ka seng NPP ne ba ki la shah khot ha ka seng NPP, hynrei na ka liang MDC ka Congress na Mawkhar Pynthorumkhrah MDC Constituency u Bah P N Syiem u la ong ba ïa u haduh mynta ym pat satia kiba khot bad kumta ym donkam ban leh shongshit namar hap sngap ïa ka rukom pyrkhat ki paidbah bad mynta hap donkam ban sian ym kum mynshwa ban leh kumno kumno ruh biang, mynta ki paidbah ki la stad ha ka saiñ pyrthei.

U la ong ba ha ki por mynshuwa la ïohi ba bun ki riew saiñ pyrthei ki leit bad ki rung ne ki mih katba mon namar u paidbah ruh u dang long da kumwei, hynrei mynta kam long shuh kumta.