Ia kynduh U Mukul ia u Lat

Shillong, 25 Jymmang:
Mynta ka miet u Dr.Mukul Sangma myntri rangbah ka jylla u la leit ban ia kynduh ia u Lat ka jylla u V.Shanmuganathan ha ingsah jong u ha Raj Bhavan. Shuwa ban leit ia kynduh ia u Lat haba ia kren bad ki nongthoh khubor u Dr.Mukul u la ong ba katei ka jingleit ia kynduh jong u ka long ban ia kren pynbeit ia ki jingpynbit pynbiang na ka bynta ka jingwan u myntri rangbah duh ka ri u Narendra Modi ha kane ka jylla . Ka jingiakynduh ka long ruh ban pynbeit ia ki prokram na bynta ka 27 tarik ne ka shong ka sah u Lat uba don jingthmu ban sah shimiet ha kane ka jylla.