Shillong: Ka Seng ki kynthei kaba dang shu mih thymmai kaba la tip kum ka STIEH, myn hynnin ka sngi ki la leit ban ia kynduh ia u Lat ka jylla u Ganga Prasad ban pynpaw ba ki kyrshan ia ka Bill jong ka KHADC ka Khasi Social Custom Lineage (Second Amendment) Bill 2018 kaba khanglad ia ki thei Khasi ba ioh lok bar jylla ba kin ioh ia ka jingmyntoi jong ki riewlum Khasi ne Schedule Tribe. Ha ka jingthoh ba la phah sha u Lat katei ka seng ka la ong ba katei ka bill ka dei ka Stieh bah ban iada ia ka jaitbynriew Khasi bad ka la dawa ruh ba u dei ban mynjur ia ka ba kan long aiñ.