Shillong: Ki nongialam jong Ka Hill Farmer’s Union HFU hapoh ka jingialam jong u bah Commander Shangpliang, mynta ka sngi ki la iakynduh ia u Counselor head of economic & trade mission, jong ka Embassy of Israel, u Barak Granot bad u Dan Alluf Counsellor International Development Corporation ha Meghalya house New Delhi. Kane ka jingiakynduh jong u bah Commander Shangpliang bad ki dkhot ka HFU kynthup u General Secretary bah Allfondbirth Kharsyntiew bad kiwei ki dkhot jong ka Seng, ka long ban iakren bad iatai sani halor kumno ban kyntiew ia ka rep ka riang ha ha jylla hi baroh kawei.
Ha kane ka jingiakynduh kyrpang la iakren kumno ba ka RI Israel kan iarap ban aibuit ha ha liang ki bor technology bad kumno ban pyniaid iew ia ki mar ba ju pynmih da ki Nongrep na ka jylla, kum u soh trun u soh niamtra u lakadong bad kiwei kiwei.
Na ka liang jong u Barak Granot u la pynpaw ba u long uba la kloi ban iatreilang bad ka HFU bad kumjuh ruh bad ka Sorkar Meghalya ban kyntiew ia ka rep ka riang.Shuh shuh a ka liang jong kine ki heh duh na Isreal ki la pynpaw ba ki kloi wat haduh ban wan iuh kjat dalade sha ki Lyngkha jong ki Nongrep ha la jylla bad ruh ki long kiba kloi ban pynlut por bad ki Nongrep ban sngewthuh ia ki jingeh ba ki Nongrep ki ia kynduh.
Ha ka juh ka por u Barak u la khot sngewbha ia ki nongialam jong ka HFU sha Israel ban wan khmih bad ban sngewthuh khambniah halor ka rukom rep ha katei ka Ri.