Ia kynduh ki CEM, MDC ka Dong Mihngi ha Jowai

Jowai, 27 Jymmang:
Ki MDC na ki Distict Council bapher bapher kiba kynthup ia u Chief Executive Member ka Chakma Autonomous District Council, Mizo ram, u EM ka Lai Autonomous District Coun cil, Lawngtlai. U Chairman bad Vice Chairman ka Chakma ADC bad LADC nalor ki EM ka JHADC hapoh ka jingi alam u Chairman, u ma Laitsing Shylla ki la pynlong ia ka jingialang mynta ka sngi ha Orchid Inn, Thadlaskein.
Katei ka jingialang ki MDC kaba la pynlong da ka North East Dialogue Forum (NEDF) kan kut mynta ka sngi Palei.
 Ha katei ka jingialang ki Chief Executive Members, ki EMs ki la iakren bad iatai halor bun kiei kiei ha kaba iadei bad ki jingeh kiba ki Autonomous District Council ki la ia kynduh na ka por sha ka por.
 Ki mat kiba kham kongsan kiba la iakren ki kynthup ia ka Article 244- Administration of Scheduled Areas and Tribal Areas, ka jingpynkylla ia ka Sixth Scheduled , ka jingweng ia ka Sixth Scheduled na ka Article 280 katkum ka riti synshar ka ri India nalor kiwei kiwei de ki mat.
 La iakren ruh halor ka UN declaration on the Rights of the Indigenous Peoples (UNDRIP).
 Ia kane ka jingialang ka lum da u Rev. Dr. PBM Basaiawmoit uba dei u Consultant sha ka NEDF.