Ia kynduh ka HYC Sohra ia u EE PWD

Shillong, 19 Jylliew:
“Ka Sohra kaba dei ka shnong kaba bna nam tam ym tang na u slap hynrei ha ka jingitynnat ka mariang kaba khring ia shibun ngut ki nongwan jngoh kai pyrthei hynrei ka long ka jingleh rain ia ka thain baroh kawei na ka jingsniew palat ka surok kaba la wanrah ia ka jingkynshi kyneh da kiba bun ki nongwan jngohkai ia ka sohra”, la ong u President ka Seng HYC-Sohra, u Bah S Nongrum.
U la iathuh ruh ba ka seng ka la leit ban ia kynduh ia u EE ka tnad PWD ban pynsngew halor ka jingujor jong ki paidbah ïa ka jingsniew palat ka surok naduh Lum Thanad, Sohra kaba la shlei da ki thliew ki syar bad buh jingma ïa ki nongleit nongwan.
Ka Seng ka la dawa ruh ba dei ban maramot noh mardor khnang na ka bynta ka jingmyntoi jong ki paidbah khamtam naba katei ka thaiñ kadei ka jaka ba ki nongjngoh kai pyrthei ki tuid man ka sngi. Ka seng ka kyntu ruh ïa ki nongmihkhmat ba kin kren ne leh ei ei noh mardor khnang ba kan wanrah ka suk ka saiñ ïa ki paidbah bad kumjuh ruh ïa ki nongwan jngohkai kiba wankai sha Sohra.