Ia kynduh CEM JHADC ka KSU

Shillong,26 Nailar:
Ka Khasi Student Union Jaintia Hills District Unit hadien ba ka la lap ba bun bah ki bar jylla ki ba wan khaii bad leh Benami ha Jaintia Hills khlem da ioh ia ka Laisen khaii na ka District Council ka KSU -JHDU ka la leit ia Kynduh ia u CEM ka Jaintia Hills Autonomous District Council. Ka seng ka la ong ba katkum ka The Jaintia Hills Autonomous District (Trading by Non-Tribal) Regulation (Act) 2011 ka la batai shai ba uno uno u bar jylla u ba wan khaii ha ka thain u dei ban ioh ia ka Trading license na ka District Council bad ruh kat kum ka tei ka ain ka la khang pyrshah ia u bar jylla ba u wan kamai ha ka kyrteng jong ki trai muluk bad ruh kat kum ka Benami Transactions (Prohibition) Act 1988 ka la khang pyrshah ia ka benami.
Ha ba ia kren halor kane u EM ba dei peit ia ka khaii pateng jong ka Jaintia Hills District Council u la kubur ba ki don ki shisha ki bar jylla ki ba wan khaii sha ne ka thain khlem da ioh ia ka laisen na ka District Council bad ruh ki don ruh ki ba leh benami. U la ong ba ka Council ruh ka la dep khynra ia ki dukan bar jylla bad ruh la lap ba ki don ki bym ioh ia ka trading licence bad ruh la khang khyrdep ia kum kine ki ki dukan bad ruh ba la ong ba District Council kan pyllong shuh ia ka jingkhynra trading Lisense bad ruh un buh ia ka jingjurip bad ka seng ha ba ia dei ka jingkhynra Trading Lisense bad ka jingkynrei ki baleh Benami.
Ha ba ia kren pat ha ka ba ia dei bad ka jing pynduh noh jong ka Assam ia ka kyntien “Rangbah Shnong” ban buh da ka Gangbura bad Rambura ia ki nongkit kam Shnong ha ba bun ki Shnong ki ba hap hapoh ki ar tylli ki Elaka ki ba kynthup ia ka Elaka Pangam Raliang bad ka Elaka Labang Nangphyllut ki ba dang hap ha poh ka jingpeit jong ka Jaintia Hills Autonomous District Council ka ba long pyrshah ia ka dustur u khasi pnar, u CEM u la ong ba ka Assam kam lah ban leh ia kane namar ka long pyrshah ia ka hok bad riti dustur jong u khasi pnar bad ruh u la kyntu ia ki briew ki ba shong ha kito ki jaka ba kim dei ban sngewthuh bakla bad ruh ba kim dei ban khwan myntoi ban ioh jing myntoi na baroh ki jylla bad ruh bad ruh ba ki dei ban sngewthuh ba ki hap hapoh u pud u sam jong ka District Council bad ki dei ban phah ia ki jingtip shaka Council hadien ka jingjied jong ki ia ki nong kitkam Shnong khnang ba ka Council ka lah ban pynskhem bad ai sanad ia ki kum ki rangbah Shnong. U la kubur ruh ba shen ka seng ha ryngkat bad ki briew jong ka Council kin wan ban wan peit bad jngoh ia ki ar tylli ki Elaka ki ba hap ha poh kane ka Council ba la sah teng ka jing thung Doloi na duh ki por mynshwa.