Shillong 04 Lber: Ki kali kamai tourist taxi jong ka jylla ki ba ju ieng ap passenger ha Khyndai Lad, Shillong ki la shah klam beit man kapor, katba ia ki kali ba na Jylla Asssam Ki pulit kim shem la klam lada ki ieng ha katei ki jaka.
Ym tang ba ki nongniah kali kamai ki mad ia ka jingeh, da ka ba shah knieh kamai hapoh la lajong la jaka, hyneei mynta ki lla mad sa ia ka jingshah leh shiliang khmat ha ki bor pulit, da kaba klam beit haba ki ieng kamai.
Halor kane ka jingiakynduh jingeh, na ka liang ki nongialam ba kamai tourist taxi ka ba hap hapoh ka shatri jong Ka All Khasi Meghalaya Tourist Taxi Association (AKMTTA), mynta ka sngi baar ka 04 tarik Lber 2025, ki la leit ban iakynduh ia u Superintendent of Police, traffic jong ka East Khasi Hills u bah K. Prasad, ban leit pan jingshai na u.
Ha ka jingiakren bad kilad pathai khubor u bah Ricaldinus Dohling uba dei u president jong kane ka kynhun u la ong, ba ki pulit haba ieng ki kali kamai napoh ka Jylla ki wan ban klam beit naphang, Katba ia ki kali ba na ka jylla Assam kim shem la klam watla ki wan ieng ha katei hi ka jaka.
U bah Ricaldinus u la omg, ba na ka liang u SP u la bthah ia ki, ban ia pynbeit shwa ia kane ka kam paramaki bad ki traffic incharge jong ki thanad shipor.
Ha ba iakren bad ki nongthoh khubor u bah Ricaldinus Dohling u la pyni da ki durkhih ne video kum shubynta ban sakhi ia ka jingshah leh shiliang ha ki pulit pyniaid kali, da kaba bynrap, ba ki pulit ki kloi ban pyndait klam tang ia ki kali ha kamai tourist taxi napoh ka jylla, hynrei ia ki kali kamai ba wan na bar jylla bad khamtam eh na jylla Assam ba wan ieng kim ju pyndait klam.
Phi don ban ong eiei?