Ia khih pyrshah BJP ka MPYC ha Tura

Shillong, 21 Rymphang:
Ka Meghalaya Pradesh Youth Congress (MPYC) ka la pynlong da ka jingiakhih ha sor Tura ha ka sngi saitjaiñ jong ka taiew ban pyrshah ia ka sorkar BJP halor ki jingjia kiba la jia ha skul bah JNU. Katei ka jingiakhih ki samla Congress la pyn long ha khmat ka Congress Bhawan ha Tura. La lam khmat ia katei ka jing iakhih da u President ka Youth Congress u Richard Marak, Tura LYC President u Allan Sylvester R Marak. Kiwei pat kiba la donlang ki long ki Secretary jong ka Tura LYC, u DC Stevie Marak, u Donbosh N Sangma, General Secretary, DCC West Garo Hills bad u Chairman ka Tura Municipal Board. Ha katei ka jingiakhih ki samla Congress ki la rah plakad bad ki la pyrta jam ia ka sur jong ki ban pynrem ia kaei kaba la jia ha JNU bad kumjuh ruh ban pynrem ia ka sorkar u Modi.