Shillong, 5 Jylliew:
Ki samla ka Seng Congress ne ka Meghalaya Pradesh Youth Congress kilapynlong ka jingkhih ha ka sngi saitjain jong ka taiew hakhmat ka Congress Bhawan ha Tura namar ka jingkiew dor ka Petrol haduh T.4.47 tyngka bad ka Dieselpat haduh T.6.46 tyngka ha kisan taiew ba la leit. Iakatei ka jingiakhih la lamkhmat da u President jong ka MPYC u Richard Marak bad u President ka LYC Tura u Allan Sylvester R Marak.
U President ka MPYC u la ong ba ka dor jong ka umphniang ha ka iew ia die ia thied mynta ka long $50 shi kit ka umphniang hynrei ki kompeni die umphniang pat hangne ki pynkiew dor T.2.58 tyngka ka Petrolbad T.2.26 tyngka ka diesel ha ka miet sngi hat majai. U la ong ruh ba ha ka por ka sorkar UPA ka dor ka umphniang ha ka iew ia die ia thied ka long haduh $130 shi tyndong kit (barrel) katba ka dor ka Petrol pat ka long tang T.70 shi litar hynrei mynta ha ka sorkar NDA pat wat haba ka dor iew ka long tang $50 pynban ka dor ka Petrol ka poi haduh T.65 tyngka shi litar. Ka Congress ka la rah pla kad ruh kaba la thoh pynrem namar ka jingkiew dor ka umphniang bad ka la dawa ruh ba dei ban pynhiar dor noh shisyndon.
Phi don ban ong eiei?