Ia ka ILP, lah ban pyntrei kam tang da ka jing pynbna

Ka kyrwoh jing pynshai na U Bah Ardent Basaiawmoit –

Katkum ka jinglum jingtip jong ki lad pathai khubor kaba ki la ioh na ka jingkren jong u Chief Minister bad u Deputy Chief Minister ha kaba iadei bad ka ILP, ha kaba ki la pynpaw ia ka jingkyrshan jong ki ia ka ILP bad kaba kham sngewphylla shuh shuh ka long ba ki la kubur ia kaei kaba la pynpaw da u Ardent Basaiawmoit ha ki katto katne sngi ba ia ka ILP la lah ban pyntreikam tang da ka jingpynbna (NOTIFICATION) jong ka sorkar jylla, hynrei ha kane ka kynti kaba mynta kumba la pynpaw da u Prestone Tynsong ha ki lad pathai khubor ba ka jingpynbna kaba khatduh ba la pynmih da ka sorkar kmie ha kaba iadei bad ka ILP ka long 11 tarik Nohprah 2019.

Kaba long ba ha shuwa jong kane ka tarik tang da ka jingpynbna ka ban pynmih da ka sorkar jylla ka la long ban pyntrikam ia ka ILP, hynrei mynta ka kynti pat ym lah shuh ban leh ei ei khlem ka jingai jingmynjur na ka sorkar kmie.
Kumta ka jingkylli mynta ka long ba naduh mynno ba ka sorkar jylla kam lah shuh ban pyntreikam ia ka ILP tang da ka notification, bad kaei ka daw ba ka sorkar jylla kam lah shuh ban pyntreikam ia ka ILP tang da ka notification. “Ki dang don shibun ki jingkylli ba yn dang pynbud hadien ba la ioh pdiang ia ki juab jong kitei ki jingkylli ba la buh haneng”.