Ïa ka ïew ka hat, ym lah da leilei ruh ban shu die sopsop, ong ka KSU Nongtyngur

Shillong: “Ïa ka ïew ka hat, ka Shnong ka thaw, ym lah daleilei ruh ban shu die sopsop da u Rangbah Shnong, u Sordar, u Myntri, u Syiem, ki MDC, ki MLA, u CEM, CM. Hap da ïathew ïawoh sani bha shwa da ki Khun ki hajar ha ka lympung Dorbar,” ong u Samla Melajied Khongbuh, General Secretary KSU Nong tyngur Unit.

U la ong ba wat ïa ka nongkynti ki riewshimet ruh hap da don ki dulir kiba lah ïateh bad ki trai bad shon muhor da u khlieh nongsynshar.
“Hynrei kumno ka jingker sainar sh iah ha ki khappud ka thaiñ jong ngi lah shu ïaid sopsop. Kum u trai Shnong, u nong bylla uba im jakpoh na ka ïew ka hat ngi don ka hok ban pyrshah bad ban dawa ïa ka jingpynbeit haba shit bashai,” u la ong.

Na ka liang ka KSU Nongtyngur Unit, ha ryngkat u Rangbah Shnong Lyngkhat, Rangbah Shnong Nongtyngur, Rangbah Shnong Lumwahñia, Rangbah Shnong Riwai, Rangbah Shnong Lyngkhong bad ki paidbah ki la pynpaw ïa ka jingbym pdiang ban ker sainar shiah ïa ka ïew Lyngkhat, ka Shnong Lyngkhong, katba ym pat don ka jingïa pynbeit bha, bad ka seng ka dawa ruh ban pynbeit shwa ïa ki jaka kiba hab shapoh u sainar shiah namar kumba long mynta kiba bun kim pat don jingmynjur eiei bad khlem ïoh satia ïa ki jingsiew jingtda bad kiba bun ki ïap thngan namar kim laitluid shuh ban leit rep bad rep ne kheit na ki Bri ki bsah kiba hab shapoh ka kper sainar shiah hynrei kaba sngewsih namar lah kam trai ei pynban da ki khar Bangladesh.