Shillong: Ka Shillong Lajong kan iakhun mynta ka sngi pyrshah ia ka Chennai City FC ha ka jingialehkai kaba phra jong ka Hero I-League 2018/19 ha JN Stadium, Shillong por 5 PM.
Ia ka tiket lah ban ioh na ka Mobile Centre, Khyndai Lad bad na SSA Counter ha Polo Ground.
Ha ka jingialehkai ba la dep, ka Lajong ka la kamai 3 point pyrshah ia ka Churchill Brothers FC, Goa bad ka shah rem ha ka East Bengal FC.
Ka Lajong ka kamai 10 point na ki 16 tylli ki jingialehkai katba ka Chennai City FC ka kamai 34 point na ka 16 sien ialehkai.
Ka jingialehkai lashai kan long kaba donkam bha ia ka Lajong. U coach bah Alison Kharsyntiew u la ong ba ha ka jingialehkai ba la dep kila shah rem hynrei ha kane ka kynti kin iakhun tyngeh da kaba shim kabu namar ba ka dei ka jingialehkai ha la iing.
Katba u coach ka Chennai City u Akbar Nawas u la ong ba ka jingialehkai lashai kan long kaban sngew tynnad namar ba ka la pynkhreh bha bad kin sa pyni ia ka jingialehkai kaba itynnad bha.
U la ong ba ki khmih lynti ba kin iakhun ban ioh ia ka jingjop namar ba ka rukom pyrkhat jong ka kynhun ka long beit ban jop ia ka jingialehkai bad ym dei ban iakhaid. “Ia ngi, ka jingiakhaid ka dei ka jingrem”, u la ong.
Phi don ban ong eiei?