Shillong: Ha ka jingiakhun pyrshah ia ka Aizwal FC hynnin ka sngi, ka Shil long Lajong ka la mad ia ka jingrem kaba nyngkong ha ka lympung I-League da 3-0.
Ha kaba sdang jong ka jinglehkai, ka Aizwal ka la lehkai bha ha ka kylla step ha kaba tang ha ka minit kaba 4 u Lalrin zuala Lalbiaknia u la ioh ban thep ia ka kol kaba nyngkong. Hadien kane, tang katto katne minit u R Ramdinthara u la ioh ban thep ia ka kol kaba ar kaba long ha ka minit kaba 17.
Da ka jingioh thep ar kol ha ka kylla step, ka Mizoram ka la i don jinghun, kumta ka la ailad ia ka Lajong ban pyndep ia katei ka kylla. Hynrei da kaba leh kumta, ka la pynkhlain ia la ki nong iada bad pynneh ia ka jing lamkhmat jong ka ha katei ka kylla da 2-0.Haba la sdang sa ka kylla miet, ka Aizwal ka la pynkhlain shuh shuh ia lade da kaba ioh ban thep sa ia ka kol kaba lai kaba long lyngba ka kornar da u Joe Zoher liana ha ka minit kaba 57.
Haba phai sha ka Lajong ka la ialeh katlah katiai ban ialeh pyrshah hynrei ka Aizwal ka la lah ban pynneh ia ka jing lamkhmat jong ka da lai kol haduh kaba kut jong ka jinglehkai. Da katei ka jingduh ia ka jinglehkai, ka La jong mynta ka ieng ha ka kyrdan kaba saw da 16 poin na ki khyndai tylli ki jingialehkai. Ka jingleh kai kaba bud jong ka La jong kan long noh shabar na la iing ha kaba kan iakhun ia ka Real Kashmir FC ha ka 16 tarik Nohprah ha TRC Turf Ground, Srinagar naduh ka por 2 baje janmiet.
Phi don ban ong eiei?