|
Ah Kordit ia ka riew kynthei kaba la noh synniang shibun bah khamtam ban kyntiew ia ka bha ka miat ki kynthei ha ka imlang sahlang. Ka jing shah thombor jong I ka pyni shisha ia ka kam jaboh jabain kiba don sha ki thain East Jaintia Hills, khamtam ka jing khaii beain ia u dewiong u ba la khang pyrshah da ka NGT. Haba kum kane ka jingjia ka wan jia iano ngin kynnoh? Hato ia ki nong tih dewiong? Ia ki malik tih dewiong ne ia ka Sorkar namar ba kam lah ban tehlakam ia ka jing khaii beain! Nga kum kawei na ki riew kynthei nga sngew dei ban pynrem jur ia kane ka jing leh riewkhlaw jong kito ki runar. Hato ym Lah mo ban shu ia kren shwa da ka ktien kaba jem? I Kong Agnes im dei I nongpyniap briew, hynrei I dei I wei naki riew trei mon sngewbha I ba la noh synniang shibun bah.Ka jing shah thombor jong I ka dei ka jing iuhroit iaka hok ki kynthei bad kine ki dei ki kam kiba leh da ki riewkhlaw ki bym shym la burom shuh iaka kynthei briew kaba tang shibor bapli, Ko Sorkar to peit bad khmih ba kiba leh kin ngat ha ka jing pyn saja bad ko ki bor jong ka Ain wat ailad iangi ba ngin duh noh ka jing shaniah ha ka ain namar lada kiba dei ban iaid bad ka ain ki pynkhein noh iaka ain te iano pat ngin shaniah bad hano pat ngin snoh? Kein noh ka kyrsum ktieh ha kum kine ki kam kiba pyn par niangkhriat iangi lang baroh. Namar haduh mynta khyndiat khynsoit ngi dang shaniah hi ha ka ain, te nga khmih lynti baka hok kan paw bad nga dwai ruh ba U Blei sa shisien pat Un ai ka jingkoit jingkhiah ia I Kong bad Un pyntngen iaka ing ka sem khamtam ki khun ki kti baroh.Ka jing ioh lad pat jong I Kong ban poi sha ka jaka sumar ka la dei lypa ka saindur ba U Blei U dang ibit ia I ba in dang trei naka bynta ka imlang sahlang hi baroh kawei bad U Blei Una stad Un sa pyniaid kham bha ia kiei kiei baroh.
Khublei shibun
Evanisha Pathaw
Iwei naki riew paidbah.
|