Shillong: Mynta ka sngi ka NCP ka la pynbna haduh hynriew ngut ki kyrtong ban iakhun ha kane ka elekshon kaba mynta. Kane ka seng sain pyrthei ka la buh thong ban pynieng kyrtong haduh 40 ngut tam.
U general secretary jong ka NCP u Praful Patel ula pynbna ba kine ki hynriew ngut ki long u Bah ECB Bamon na Mookaiaw, u Bah Tyngshain Lapang na Mawhati, u John D Sangma na Ranikor, u Bah Ronaldon Dkhar na Nongthymmai, u Bah Andrew Charles Gare na Mawshynrut, bad u Bah Predecessor Rumnong na Pynthorumkhrah katba ia kiwei pat ki jaka yn sa pynbna ha ka thup hadien.