Shillong 19 Rymphang: u symbud myntri rangbah ka jylla u bah Prestone Tynsong u la ong, ba haka por ilekshon bun bah ka jingiapyni nia, ia pyni jutang na baroh ki Party, hynrei ki paidbah wat sngewpher, hynrei phi hap ban husiar pat, namar don ki party kiba ialam bakla iaka pyrkhat pyrdain khamtam ia ki samla.
U la ong, ba namar ka nongrim jong kita ki party kadei haka kyrteng jong ka jaidbynriew, leh katba mon. Ia kane u bah Prestone Tynsong u la kren ha ka jingialang paidbah jong u kyrtong ka National People Party (NPP) u bah Pyniaid Sing Syiem na Nongthymmai konstitwensi.
Ha ka ne ka sngi la sakhi da ka jingiadonlang da ki hajar ngut ki paidbah nongkyrshan jong u bah Pyniaid.
U bah Prestone u la ong ruh, na kiwei ki ialap ilekshon ha man la ki jaka, ki kren daki kyntien bym sngewiahap bad ki bym lah ruh ban pdiang da lei lei bad Ki kyntien baki pyndonkam haki Rynsan Social Media ki long kiba i shyrkhei. Bad Ki sngew kumba ym don ain, haka kyrteng ka jaidbynriew ban leh katba mon.
Hadien jong ka ilekshon ba dangshu dep kata ha h snem 2023, ka rukom kanbas ilekshon da kine ki party kam dei ban ialap iaki nongrim jong ka Party hynrei ki shu ialap bad don por tang ban bein briew, la ong u bah Prestone.
Kumta u la kyntu iaki paidbah ban phikir bha, ba kim dei ban shah ialam bakla ha kum kine ki party ki ba kren ieit jaitbynriew.
U la ong, ba Lyngba u Bah Pyniaid Sing Syiem, ka District Council kala wanrah ia shibun ki ain kiba myntoi ban tei iaka jaidbynriew, ki kynthup ia Ki ain ban ithuh iaki kur, ki Dorbar Shnong, ki seng samla, ki longkmie bad kiwei kiwei.
Ki paidbah ka Nongthymmai konstitwensi kim dei ban pynleh nohei ia une u Mawlynai, iai bteng ban kyrshan ia u Bah Pyniaid khnang ba un lah ban wanrah shuh shuh iaki ain ban nang pynkhlain shuh shuh iaka KHADC, Nalor kata u ong, ba Ngi kwah ba ka NPP hi kan ialam iaka EC hapoh ka KHADC bad JHADC kumba ka ialam iaka Sorkar Jylla.
Wat hapeng ka jingshah kren bein, shah lynthem maw, nga iohi ba ki paidbah ka Jylla ki dang kyrshan bad shaniah hi iaka party NPP, namar kadei ka Party kaba trei ia ka kam naka bynta ka bha ka miat ki paidbah bad ka Jylla baroh kawei, la ong u bah Prestone.
Shuh shuh u la ong, ba Haka jingialam ka NPP, ka Sorkar dangshen kala buh mawnongrim ban tei Secretariat thymmai ha New Shillong haka jinglut ym duna ia ka 1200 klur, ngi la pynurlong iaka Vivanta Taj, Marriott haki thain Khyndai Lad. Ngi la iaid shaid shaid ban pynitynnad shuh shuh iaka New Shillong, ngi la tei iaki surok 4 lane ha New Shillong,
“Ha ba pynkut ia ka jingkren u bah Prestone u la kyrpad ia ki paidbah ka Nongthymmai konstitwensi, ba sngewbha ai ka jingkyrshan ia u Bah Pyniaid, namar udei u briew uba la biang tam bad udei uba trei shibun ki kam”.
Phi don ban ong eiei?