Hun ki sengbhalang ba jurip u kontraktor ia ka Madan Heh

Shillong, 6 Iaiong:
Ki sengbhalang ka Mawlai kynthup ia ka FKJGP, KSU bad HNYF ia ka jingpyntrei ia ki kam ha

Madan Heh ha ka 4 ta rik Iaiong, 2014 bad u kontraktor bah Banteidor Lyngdoh uba long ruh u MDC jong Mawkynrew Constituency.
Ki seng ki kwah ban pynsngew ba ka jingiakren bad jingiakynduh ka long kaba shai bad beit bad kaba iaid ryntih bad ki kyrmen ruh ba kane ka projek kaba kynthup ia ka jingtrei naduh ka jingsiang ia u phlang plastic, ban pynbha ia ki jaka peitkai, ki nala bad nadong sha dong kiba hap hapoh kane ka projek kan long kaba iaid beit na ka bynta jong ka jingmyntoi ia ki nong ialehkai bad ki nong shong shnong hi baroh kawei.
Ki sengbhalang ki kit bok kit rwiang ruh ia u trai peit kam ba un lah ban pyndep pura ia kane ka kam.
Ha kajuh ka por ki sengbhalang jong ka Mawlai ki la ong na ka por sha ka por kin iaid peit pyrman ia ka bha ka miat ha ka imlang sahlang na ka bynta ka jingmyntoi u paidbah ka shnong ki pynpaw ruh ba kin iai bud dien beit bad phikir ia ki kam ki jam ha poh shnong poh thaw ha la ka jong ka lynti bad ka jingsngewthuh. Kane ka long katkum ka kyrwoh na u Bah Marbud Dkhar u President FKJGP Mawlai Circle.