Hun ka KSU ba kiew bai thang bording 15 percent

Shillong, 18 Iaiong:
Ka Khasi Students Union (KSU) ka la sngew hun ia ka jingpynkiew bait hang bording sha ka 15 percent bad kane ka lah ban nym ktah than ia kiba duk hynrei ia ka jingpyn kiew man u snem,dei ban bishar bniah bha.
Ka Meghalaya State Electricity Regulatory Commission (MSERC) ka la pynkiew ia ka bai thang bording ban treikam naduh ka 1 tarik Iaiong, 2014 haduh ka 31 tarik Lber, 2015 ha kaba ka jingkiew kan long 15 percent.
Kham mynshwa ka KSU ka la thoh sha ka sor kar ba ka dei ban pynsa ngeh ia ka jingpynkiew bai thang bording haduh 35 percent namar ba kan ktah jur ia kiba duk.
U general secretary ka KSU u samla Auguster Jyrwa u la ong ba ka seng ka la ai jingthoh sha ka sorkar hadien ba ka MeECL ka la tyrwa ban pynkiew ia ka bai thang bording sha ka T.35 shi unit sha ka T. 210 shi bnai. Hynrei, ka jingpynkiew ka long kaba rit bad kan nym ktah ia kiba duk.
Hynrei ha kajuh ka por, u general secretary ka KSU u la ong ba lada ka jingpynkiew man ka snem, kan ktah jur ia ki paidbah. U la ong ba ka KSU kan iakynduh ia ka Commission ban iakren ia kane ka kam bad kan bishar bniah ruh ia kane ka jingpynkiew ba mynta.