Ki koidi ha ka phatok ha El Salvador, kim lah shuh satia ban ia shong jngai iwei ia iwei pat bad katei ka long, lyngba ka hukum jong U President katei ka ri, kaba treikam naduh ka sngi saitjain.
Kitei ki koidi, mynta ki hap ban ia shong tyngkhap iwei ia iwei pat bad katei ka long hadien ka hukum, ba la pynmih da U President Nayib Bukele, ha kaba ula hukum ba kitei ki koidi, kin hap ia shong tyngkhap, na ka bynta 24 kynta. La ong ruh ba ia ki katto katne ki snar jong ka kynhun pyniap briew, yn rah noh sha kawei pat ka jaka, ha kaba yn set la ka jong ka jong. Katei ka hukum, ka mih hadien ka jing ia pyniap briew, haduh 22 ngut ha katei ka phatok ha ka sngi thohdieng.
Ka jingshah pyniap jong ki 22ngut hapoh katei ka phatok, ka dei ka jingjia kaba jubor tam ha ka shisngi, namar ba U Bukele, u shimti kum U President jong katei ka ri, ha U Jylliew jong u snem ba ladep.
Ka ri aiu kata ka El Salvador? Shano ka don?
Wat google