Hukum u myntri PWD ban maramot surok Lummawbah

Shillong, 2 Naiwieng:
U President jong ka UDP Mylliem konsti twensi u bah Hamlet Dohling mynta ka sngi u la leit ia kynduh ia u myntri ka tnad PWD, U Ma Sniawbhalang Dhar bad ha katei ka jingiakyn duh u la kyrpad ba ka sorkar ka dei ban maramot noh ia ka surok Lummaw bah kaba la sniew jubor. Ha katei ka jingiakynduh u bah Hamlet u la ong ba u myntri u la ia kren bad u Executive Engineer ka National High Way u bah Rilang ha kaba u la hukum ia u ba u dei ban maramot noh mar mar ia ka surok kaba don ha Lummawbah. Ha katei ka jingiakynduh u bah Hamlet u la ong ruh ba u myntri u la kular ban maramot bad pynbha noh ia ka surok kaba la sniew palat kaba don ha Lawsohtun, Umlyngka, Nongkseh bad Upper Shillong. Katei ka jingiakynduh bad u myntri u bah Hamlet u la ong ba ka dei halor ka jingbym shim khia u Chief Engineer ka PWD wat hadien ba u la leit ban ujor la bun bunsien.