Jowai: Namar ka jing sdang ka jingsaphriang u Khniang jingpang Corona ha ka jylla Assam, na ka liang u Deputy Commissioner ka West Jaintia Hills u la pynmih ia ka hukum hapoh ka kyndon 144 CrPC ban khang kyrdep lut ia baroh ki surok PWD, PMGSY, MGNREGS bad wad ki surok shnong bad surok paidbah.
Kane ka hukum ka khang ruh ia ki trok bad baroh ki kali kiba wan na bar jylla bad kiba leit sha kiwei pat ki jylla. Kane ka hukum kan ym treikam satia na ka bynta ki kali kit umphniang, kali kit Gas, kiba kit dawai bad ki trok kit Khaw bad kiwei kiwei kiba ioh jingbit na ki bor badei peit ia ka ain.
Katei ka hukum ka la khang ruh ia ka jingiaid baroh ki jait kali hapoh ka District.
Ki kali kit jhur baroh kiba na Assam ki ba ka sorkar kan sa pynpoi sha u paidbah lyngba ka kynhun ITEAM 1917.
Shuh shuh u DC ka WJH u la bthah ia baroh ki Rangbah shnong kiba don sha ki thain Khappud bad ka Assam ba kin khang pyrshah ia ki nongshong shnong kiba leit thied jingthied na Assam.
La khang pyrshah ruh ban ialang paidbah bad lada don kino kino kiba leit noh synniang sha kino kino ki longing ka kynhun ka hap ban ioh jingbit na u BDO lane DC. U DC u la bthah ruh ia ki paidbah ba kin nym mih khlem da kah ia ki khum bad ktien da ki jain Rumal lane ki mask bad ban sait ruh ia ki kti bun bun sien ha ka shi sngi.
Phi don ban ong eiei?