Guwahati: Ki bor pyniaid jong ka Kamrup (metro) District, ki la hukum ban khang noh ia ka jaka shangkai pyngngad ka Accoland Amusement Park, kaba don ha Rani-Patgaon bad katei kan bteng, kat haduh ban da lap da ka jingtohkit ba katei ka long ka jaka kaba khuid kaba suba ia ki nongleit shangkai.
U Virendra Mittal, Deputy Commissioner jong ka Kamrup Metro, ula phah tohkit ha ki khyndiat sngi ba ladep, halor ka jing pyndonkam ia ka um ha ki pung kiba don ha katei ka jaka shangkai bad la lap ba ka um, ka long kaba jaboh bad kaba ktah ia ka koit ka khiah ki khynnah kiba leit sum sha katei ka jaka shangkai pyngngad.
Ka kaiphod, ka dei kaba la lap da ki briew jong katei ka tnat sorkar, kiba la phah da U DC, halor ka jinglong jingman katei ka jaka shangkai pyngngad.