Hukum ka sorkar, ban khang lut khoit ia ki dukan bad ki jaka ia dih kyiad ha Shillong

Shillong: Na ka daw jong ka jingnang kiew ka khlam corona, kumta ka Deputy Commissioner (Excise), East Khasi Hills District, hynnin ka sngi, ka la pynmih ia ka hukum, ban khang lut khoit ia baroh ki dukan kyiad, ki bar, ki club ia dih kyiad, ki hotel bad katei kan trei kam naduh mynta ka sngi bad kan bteng haduh ka 30tarik Iaiong 2021 bad kan trei kam ha ka nongbah Shillong.

Katei ka hukum, ka iathuh ba ki jaka Municipal, ki jaka Cantonment, ki jaka ka Mawlai C&RD Block, ba kynthup ia ka Census Towns, Mawpat C&RD Block ba kynthup ia ki Census Towns, Mylliem C&RD Block na jingkieng Umshyrpi sha 7th Mile, Upper Shillong, kynthup ia ka Madanrting, Mawblei, Laitkor, Nongkseh, Umlyngka bad Lawsohtun.