Shillong: Ka Society for Environment Protection and Sustainable Development ka pynpaw ia ka jingsngewnguh ia ka Meghalaya High Court hadein ba ka la pdiang ia ka dorkhas, ba la ujor da u President ka Society u bah Wanbun Dkhar, halor ka jingbym pyntreikam ka sorkar jylla ia ka Meghalaya Environment Restoration and Protection Fund kaba T.433 crore kaba ka la lum lyngba ki challan dewiong da ka tnad Directorate of Minerals Resources ban pynbha ia ka mariang, ha ki jaka ba shah ktah na ka jingtih dewiong.
Ka Meghalaya High Court hadien ba ka la shong bishar bniah ia katei ka PIL, ka shim ia ka rai ban hukum ia ka sorkar jylla ba kan pyntreikam noh ia katei ka Fund kaba la mang kyrpang, na ka bynta ban pynbha mariang khamtam eh ban pyndap noh ia ki thliew kiba la dep ban tih ne khlong ia u dewiong hapoh ka jylla.
Na ka liang jong u President ka Society, u la ong ruh ba u khmih lynti bad kyrmen ba ka sorkar jylla kan kohnguh bad burom ia katei ka hukum ka High Court ba donburom khlem da pynsep ei ne bamklop ia ka tei ka pisa. “Lada Jia ba ka sorkar kam leh katkum ba la hukum, ka Society san sa ujor da ka contempt of court pyrshah ia ka sorkar jylla” ong ka kyrwoh khubor.
Balei ng don re ban ong ei ei Nga don kein ban ong ei ei halor kane . Ka sorkar kadei hok ban pyntrei kam noh shi syndon ia kata ka scheme pynbha mariang kumba la mang naduh kham slem bad kumba la hukum ruh da ka high court lym kumta te ka court kadei hok ban kem ia ki heh sorkar bad set patok ruh ia ki khnangba kiwei kiwei ki sorkar ba hadien habud ruh kin nym nud shuh ban leh mon katba mon ma ki .