Hukum ka ïngbishar ban kem ia u bah Julius, dang thwet ki pulit

Shillong, 4’lyngkot:
Ka ïngbishar ka la pynmih ia ka hukum ba dei ban kem beit ia u MLA ka Mawhati u bah Julius Dorphang bad katkum katei ka hukum ba la pynmih ka dei kaba khlem jamin. U SP ka East Khasi Hills u bah M.Kharkrang u la pynthikna sha ki lad khubor ba ki pulit ki la ioh hukum na ka ïngbishar ban kem ia u bah Julius Dorphang. U SP u la pyntip ruh ba ki pulit haduh mynta ki dang wad ban kem ia u bah Julius.
U bah Julius Dorphang u la shah thwet ha ki pulit namar ka jingkynnoh ba u donkti bat shong lok jubor ia kawei ka khynnah rit, bad ia kane la ujor ejahar ia ka kyrteng jong u da ka State Commission for Protection of Child Rights (SCPCR) kaba pynshong nongrim katkum ka jingphla jong katei ka khynnah kaba shah leh beiñ.
Lah ban kdew ba u Julius Dorphang u dei u Chairman barim jong ka seng Hynniewtrep National Liberation Council (HNLC) shuwa ba un long MLA. Ki pulit ki la pynngat ia u ha ka kyndon aiñ section 366 (A) IPC bad ki la rejistar kes ha ka section 3 (a)/4 jong ka Protection of Children from Sexual Offences Act (POCSO Act) bad ka section 5 jong ka Immoral Trafficking Prevention Act (ITPA).