Hukum ka DC, Shillong ban khang ia ki khyrdop lum khajna beain

Shillong:Na ka liang jong ka District Magistrate hadien ba ki la ioh ia bun tyllIi ki jing ujor, haba iadei bad ka jingtreikam jong ki Toll Gate ki bym lah satia ban tip ha ki Surok bah,ki Surok jong ka jylla bad ha ki Surok ha kylleng jong ka District jong ka East Khasi Hills District.

Na ka liang jong ka sorkar jylla ka la shim ia ka rai ba tyngeh ban pynduh pyndam noh ia kine ki jingkhrong khajna beaiñ ha kine ki Surok ha kylleng ki bynta jong ka jylla.

Namar ka jingdon jong kine ki jaka khrong khajna,ka pynsuki ia ka jingiaid jong ki kali bad ka buh ruh ka jingma lah ban jia ka jing aksiden kali ha kine ki bynta. Kumta khnang ban tehlakam ia ka jinglait tuh jong ki khajna bad la khang pyrshah ia ka jingdon jong ki Toll Gate ban khrong pisa jubor ha ki bynta jong ka surok ha East Khasi Hills District.