Shillong: Ka sorkar jylla, lyngba ka tnad ka koit ka khiah ka la pynkhreh ban sam ia ki “Home Quarantine Dairy” sha ki dorbar shnong bad kum juh sha kito ki trai jylla kiba la wan phai iing bad kan sa sam ruh ia baroh ia ki ban dang wan ha kine ki sngi.
Ka sorkar kala phah ia kine ki Home Quarantine Dairy sha baroh ki Deputy Commissioner ban ai sha ki dorbar shnong ha kane ka jylla bad kumjuh sha ki jaka rung kum ka Ratachera, Byrnihat, Bajengdoba bad ka Tikrikilla ban ai sha kito kiba wan phai ing.
Kane ka long ban kin tip kumno ban bud ryntih ia ki sngi kiba hap ban leh ia ka home quarantine haba ki don ha ki iing ki sem.
Ia kine ki Home Quarantine Dairy kan sa sam ha man la ki shnong la dep ki ba don ka Village Health Committee,bad kan long ruh na ka bynta ka shnong ka ba hap ban bud ryntih lada ki don kiba wan phai na sha bar hapoh ka shnong ka thaw bad kin hap ban pyndep ia kaei kaba la bthah da ka tnad ka koit ka khiah.
Ha kane ka Home Quarantine Dairy, la batai shai ia ki ba don hapdeng ka Home Gurantine ki don ne em ia ki dak ki shim kumba la batai hapoh ka Dairy ia kane ki hap ban pyndap man ka sngi haduh ba da kut ka 14 sngi.
Phi don ban ong eiei?