HNLC, Sorkar:Yn long ksiang biang U Pastor PBM?

Shillong, 1 Nailur:
Ka seng Hynniewtrep National Liberation Council (HNLC), ka la sdang poi sha ka jing ia beit bad ka sorkar Jylla, na ka bynta ban ia kren iasuk; hynrei ka jingkylli, ka mih, la ka sorkar Jylla lane ka HNLC, kan ibit iano, ban long u ksiang jong kitei ki arliang mamla?
Na ki lad khu bor, ba la ioh lum, la sngewthuh, kumba ka sorkar Jylla lane ka HNLC ruh kumjuh, ka phai khmat hi sha U Pastor PBM Basaiawmoit, ba un bteng biang ia katei ka kam, kaba la sahteng mynta la shiphew snem tam.
Ka HNLC, ka la buh por ia ka sorkar Jylla, ba kan thung ia u ksiang jongka, hapoh ki 24sngi, ban sa wan bad kumta, ka sorkar Jylla, kan hap ban pyrkhat kham stet ia ka kam, namar ba u ksiang, un long uba ia beit bad ia mon lang, na baroh arliang.
Mynta, la sngewthuh, ba ka rai kaba kut, ka shong eh ha ka sorkar Jylla, la kan dang mynjur ne em ban ai lad ia U Pastor PBM Basaiawmoit, ba un pyndep ia katei, ka kam, kaba dang sahteng; hynrei ka HNLC lei, kan nym don jingpyrshah, lada utei U Pastor rangbah, un dang bteng ia ka kam, kaba dang sahteng naduh u snem 2004.