Hikai pyndonkam, ia ka sboh pyniap khniang ha Mawlein Mawkhan

Shillong, 9 Nailar:
Ha ka 8tarik Nailar 2015, la pynlong ia ka prokram ai jinghikai kaba shisngi ha Mawlein Mawkhan Sohkyndur, Ri Bhoi District shaphang ka jingbatai bad ka jing pynphriang ia ka rukom pyndonkam sboh pyniap khñiang hapdeng ki nongrep kiba wan na ka ioh ka kot kaba kham duna. Ia kane ka prokram ai jinghikai la bei pisa da ka Department of Science and Technology (DST), New Delhi hapoh ka jingpyniaid u Prof. H. Kayang, Department of Botany jongka skul Bah North-Eastern Hill University, Shillong bad la wan shim bynta da kumba 40 ngut ki nongrep shyn rang bad kynthei jongka tei ka shnong.
U la ai jingshai ba ka jingpyndonkam pathar ia ki dawai pyniap khñiang haka rep ka riang ka la ialam sha kawei pat kyrdan ha kaba kiba bun na ki jingthung ba ngi rep ngi riang ki shah ktah ha ki jingpang kiba pher bapher kiba mih naka mang-ka-riang ba long ka daw bah jongka jingpang bad na ki ksaiñ kiba im ha ki um ne ka khyndew.
Ka jingbymdon ka jingtip kaba biang ha pdeng ki nongrep kiba duk bad kiba kham duna ka jingshemphang sha phang ka rukom rep sboh ñiut jongka juk ba mynta lem bad ka jingpyn donkam ia ki kynja sboh ba ioh na kiwei pat ki kynja ba-im (Bio-pesticides), kiba lah ban pyniap ia ki khñiang jingpang na u jingthung ka long ka daw bah na ka bynta ka jinglong jingman jong ka rep ka riang ba mynta ha ka ri jongngi.
Kawei pat ka daw kaba ngi dei ban shim khia, ka dei ka jingbymioh ia kaba dei thik ka rukom shna (formulation) ia kane ka kynja sboh ba ioh na kiwei pat ki kynja ba-im (bio-pesticides) kiba lah ban pyniap ia ki khñiang jingpang na u jingthung da kiba bun ki nongrep ha ki bynta kiba pher bapher jong ka ri India.
Kawei pat ka jingeh ka dei ka jingduna than eh ki lad ne buit pyntreikam kat kum ka por naka bynta ban shna ia kine ki jingkhleh kiba la pynmih na kito ki jaka tynrai ryngkat bad ki bynta jong kine ki kynja met ba-im (bio-agents) kiba lah ban wanrah ia ka jingmih kiba don ha ki jaka rep kiba iapher ka suiñbneng haki bynta kiba pher jong ka ri India
Ka jingsaiñ dur ia kane ka kynja sboh ba ioh na kiwei pat ki kynja met ba-im kiba lah ban pyniap ia ki khñiang jingpang na u jingthung (bio-pesticides) kaba don tang ia uwei u jait pyniap khñiang kam lah ban ialeh pyrshah ia kiba bun ki khñiang jingpang, ha ki jait khyndew kiba pher ba pher, ha ka suiñbneng kaba iapher kawei ka jaka rep na kawei pat bad ha ki jingthung baroh. Shuh shuh, kata ka kynja sboh dawai kaba don tang kawei ka jait bor kaba kine ki kynja met ne jingthaw ba-im ki pynmih kan ym lah ban long kaba lah ban trei kam haduh katta katta ha kaba pynsangeh ia kine ki jait jingpang bapher ba pher na kine ki jait tit ba long ka daw jong ka jingpang, ki ksaiñ rit kiba don ha ki jingthung kiba la jan pyut, ki ksaiñ kiba long kum ki wieh jrong (Meloidogyne incognita) kiba ia trei lang.
Ha ka jingwad bniah kaba dang shen ka long kaba shai ba ka jingsynrop lang jong kine jingthaw ba-im kiba teh lakam ia ka jingpur jong ka jingpang u jingthung ka long kaba kham treikam bha pyrshah ia ki jingpang kiba pher ba pher (kum ki ksaiñ rit ha u soh pyut/ ka mang-ka-riang/ ksaiñ ba long kum ki wieh ba jrong).
Kim da don eh kino kino ki jingma haka jingpyndonkam ia kine ki sboh dawai ba ioh na kiwei pat ki kynja met ba-im kiba lah ban pyniap ia ki jingpang na u jingthung (bio-pesticides) namar ba kata ka lynti ba lashim ia ki kim pynsniew ia ka mariang bad ki kynthup tang ia ki kynja ba-im kiba ngim lah ban iohi da laki khmat doh (micro-organism) hynrei kiba long pat kiba kongsan haduh katta katta.
Ka thong lane ka jingthmu ban ia bynta ia ka jinghikai bad ia ka jingpyntbit ha ka jingpyntreikam hapdeng ki nongrep kiba dei ki riewlum shaphang ka lynti pyniaid ïew kaba biang bha ha ka jingpyndonkam ia kine ki jait sboh da kaba sam ia kine ki sboh dawai ba ioh na kiwei pat ki kynja met ba-im kiba lah ban pyniap ia ki jingpang na u jingthung (bio-pesticides), ki sboh wieh bad kiwei pat ki sboh ba ioh na ki jingthung ne jingri na ka bynta ka rep ka riang kaba bha bad ha kajuh ka por lyngba kata ka jingpyni nuksa paitbah da ki kam ha ki jaka rep ba la buh kum ki jingtynjuh ia kum kita ki jingpyrshang.