Hikai leh khuid ka Moorathud

Shillong,23 Lber:
Ka Sport Club Moo rathud ha ryngkat ka jing iatreilang ka tnad Planning jong ka West Jaiñtia Hills District kala pynlong ia ka workshop kaba shi sngi halor ka ‘Khuid ka Jngiar’. La pynlong ia katei ka prokram ha ka 13 tarik mynta u bnai ha ka shnong Moorathud.
Ha kane ka workshop la wan ban iashim bynta da ki 30 ngut ki khun samla kynthei bad shynrang. Ia ka prokram la wan ban plie da u President ka Par-umkhen Youth Welfare Organisation (PYWO) ma E.G. War, uba long ha kajuh ka por kum u resource person.
Haba kren ha kane ka sngi u ma War ula batai bniah shaphang ka jinglehkhuid. U ong ba ka jinglehkhuid ka sdang nalade shimet. Ula pynkynmaw ruh ia baroh ba ka por mynta ym dei shuh ban leit painkhana sharud lynti syngkien ne kat shaba lap, hynrei dei ban don ne shna ia la ki jong ki painkhana, khnang ban lait na kino kino ki jingpynjakhlia ia ka mariang bad ban lait na ki jingsma iwtung kiba wanrah ia ki jait jingpang ba har rukom. Ula ong shuh shuh ba ki pung umdih ki dei ban long kiba khuid bad kiba lait na kino kino ki jingpynjakhlia. Ula ai jingmut ruh ba dei ban tih da ki nur baroh sawdong ki pung um khnang ba ka umslap ba wan na rud kan ym iohlad ban rung shapoh ka pung umdih.
Ia ka jingialang la pyniaid da u Rangbah Shnong ka Moorathud u ma Plantis Pasleiñ. La ioh ruh ia ka jingkrenpdiang bad jingkren ai khublei da u Rangbah shnong.