Hikai ka KJWA ia ki khynnah skul ha Lyngkyrdem

Shillong, 23 Iaiong:
Ka Khasi Jaintia Welfare Assocaition (KJWA) lyngba ka career Counselling Committee ka la pynlong ia ka jingai jinghikam wadkam ia ki samla ha shnong Lyngkyr dem na ka bynta ki ar tylli ki skul kynthup ka Seng Khasi Secondary School bad ka Khad ar Blang Secondarty School ha ka 21 tarik Iaiong.
Ha kane ka sngi ki nongai jinghikai la wan U Asst Prof H Lyngdoh, U Asst Prof AW Rani bad Bah R Kharlukhi ki la ai jinghikai kumno ia ki samla pule kitei ki skul ban thaw lad ban ioh kam ioh jam bad ban jied hadien ba la dep pule.
Ia kane ka prokram la pyniaid da u Bah S Kharmawphlang u Vice President ka KJWA kaba la wan ban iashim bynta da ki spah ngut ki khynnah kitei ki skul kiba pule ha klas IX bad X kiba la shah shkor ia ka jingpynshai na kitei ki stad. Ki la batai ia kiba bun ki lad hadien ba ki la dep ia ki jingshah hikai khnang ba kin lah ban ieng ha la kijong ki kjat bad ruh kumno ban wad kam bad ban ialeh ia ki eksamin wad kam. Khadduh la ioh ia ka jingpynshai na u ophisar ka Skills Development Society halor ki jingai jinghikai ba ka tnad ka la ai ia ki samla ha ka wad kam bad ka ioh kam ha ki kompeni ba ka sorkar ka la dep iateh bad ki kompeni bapher bapher. La pynwai ia ka jingialang da u general secretary ka KJWA Bah P Syiemlieh.